Saytın xəritəsi
Əlaqə
Arxiv
English
version
Русская
версия






Sənaye xəbərləri

20.09.2013 09:53

Azərbaycan Banqkoqda keçiriləcək beynəlxalq konfransda iştirak edəcək

Bakı. Aynur Əliyeva – APA-Economics. Azərbaycan «ITU Telecom World 2013» konfransında geniş tərkibli nümayəndə heyəti ilə təmsil olunacaq. Azərbaycanın rabitə və informasiya texnologiyaları naziri Əli Abbasovun rəhbərlik etdiyi nümayəndə heyətinin tərkibinə 25 İKT şirkətinin nümayəndələri daxil olacaq. Artıq Nazirlik tərəfindən Azərbaycan nümayəndə heyətinin son nailiyyətləri və perspektiv layihələri nümayiş ediləcək 150 kv. metr ölçüdə stend icarəyə götürülüb. Nazirliyin mətbuat xidmətindən «APA-Economics»ə verilən məlumata görə, konfrans Banqkoq şəhərində noyabrın 19-22-də keçiriləcək.

 

Tədbir çərçivəsində nazir Ə.Abbasovun müxtəlif ölkələrin rabitə tənzimləyici orqanlarının rəhbərləri ilə ikitərəfli görüşlərinin keçirilməsi və konfransda çıxışı gözlənilir. Konfransın tərkib hissəsi olan müxtəlif sessiya və forumlarda yerli şirkətlərin nümayəndələrinin çıxışları planlaşdırılır.

 

Tədbir çərçivəsində «Azərbaycan gecəsi»nin keçirilməsi və müxtəlif ölkələrin müvafiq nazirləri və prezidentləri üçün Azərbaycanın həyata keçirdiyi beynəlxalq layihələrin təqdimatlarının təşkil edilməsi gözlənilir.

 

Konfransın ilk günündə nazirlər səviyyəsində dəyirmi masa, sonra isə «Məlumatlar dalğasında», «Tənzimləmənin konvergensiyası», «Şəbəkənin virtuallaşdırılması» və s. mövzular ətrafında sessiyalarda müzakirələr keçiriləcək.

 

Həmçinin, «Mobil texnologiyalar və müəssisədə əməyin səmərəliyi», «Rəqəmli dünyada dünya vətəndaşlarının şəxsi həyatının təhlükəsizliyinin təmin edilməsi», «XXI əsrdə İKT-nin təhsil sahəsində əhəmiyyəti», «Bütövlükdə IPv6 əsasında qurulmuş internet», «Buludda mobil şəbəkələr», «Birgə qlobal standartların hazırlanması» və digər mövzular ətrafında müzakirələr aparılacaq.

bütün xəbərlər



BİZƏ QOŞULUN!
Baş xəbərlər
DƏSTƏK



RƏSMİ SƏYAHƏT AGENTLİYİ
Premier Tour
TƏHLÜKƏSİZLİK ÜZRƏ TƏRƏFDAŞ
RƏSMİ MEHMANXANALAR
Qafqazpoint


SheratonBaku
Diqqət!
Avtobuslar artıq Koroğlu metro stansiyasından hərəkət edirlər.
VALYUTA MƏZƏNNƏSİ
  17/07/2019 18/07/2019
USD 1.7 1.7
EUR 1.8968 1.8931
GBP 2.1937 2.1934
RUR 0.0264 0.0263
HAVA



      BakuTel is Copyright © 2000-2019 Bütün hüquqlar qorunur. Hosted by VebTek